Accessibility links

Breaking News

Badlela Evalweni Abokuza Okubikwa Ukuba Abanye Babo Sebexotshwa Ezindlini Ngabe Operation Dudula


Operation Dudula
Operation Dudula

Sebedlela evalweni abadabuka ezimbabwe abahlala kwele South Africa kulandela ukususwa ezindlini ngenkani kwabantu bokuza.

UMnu. Ngqabutho Mabhena, umgcinisihlalo wenhlanganiso yeZimbabwe Community in South Africa, uthi ivideo ebhoda enkundleni zokuxhumana etshengisa abanye abantu besuswa ezindlini, yenza bengahlaliseki.

Kulabantu abazwakala bekhuluma kubi ngabantu bokuza kuvideo le.

UMabhena uthi batshe amathe kulandela isenzo lesi.

Umkhankaso weOperation Dudula uqhutshwa ngabantu abathi kumele abokuza bephume bephele kwele South Africa ngoba bathatha imisebenzi eminengi.

Kodwa abokuza bathi la ngamanga aluhlaza tshoko.

Kulezizalwane zeZimbabwe okucatshangelwa ukuba zedlula izigidi ezintathu – 3 million – ezihlala kwele South Africa.

XS
SM
MD
LG